15.12.2017 жылы Тауағаш орта мектебінде «Тәуелсіздік тұғырым» атты тәуелсіздік күніне арналған мерекелік іс-шара өтті. Іс-шара барысында оқушылар өз өнерлерін көрсетті. 4-сынып оқушылары «Қазақстаным» әнін, 6-сынып оқушылары «Тіл мен рух» әнін хормен жақсы орындады. Мектеп оқушылары және мектепалды даярлық тобының тәрбиеленушілері тәуелсіздік жайлы мәнерлеп өлеңдер оқыды. 5-сынып оқушылары «Қара жорға» биін билеп, көрермендердің көңілін көтерді. 1986жыл және 2017 жыл жайлы қысқаша көрініс қойылды. 9-сынып оқушысы Серғали Зухра «Қазақ қызы» әнін өте жақсы орындап берді. Келген қонақтар мен оқушылар, мектеп ұжымы мерекелік іс-шараға дән риза болды. Мектеп директоры мен Спасовка селолық округ әкімі тәуелсіздік күнімен құттықтау сөзін сөйледі.
Дайындаған: мектеп директорының ТІЖО Сагандыкова Ж.С.
Жаңалықты мекеменің сайтында қарау
