Қаңтардың 29.02.-02.02. аралығында бастауыш сынып оқушыларына "Грамматика әлемі" атты қазақ тілінен апталық өтті. Мақсатым: Оқушылардың білімі мен біліктілігі арқылы ой-өрісін дамыту, ұшқырлық, ойлау қабілетін шыңдау, шапшаңдық пен нақтылыққа бейімдеу. "Грамматика әлемі" атты апталықтың қорытынды кеші " Қазақ тілі әлеміне қош келдіңіздер!" интеллектуалды сайыс өткіздім. Сайысқа әр сынып оқушылары топқа бөлінді. Сайыс бес кезеңнен тұрады. 1-кезеңде топтардың аттарымен, ұранымен, таңбасымен таныстыру болды. 2- кезеңде оқушылар үй тапсырмасына берілген жұмбақты презентация дайындап жасырды, жауабын тапты. 3-кезеңде " Ойнайық та, ойлайық!" атты сайыс өткіздім. 4-кезеңде "Жекпе- жек " әр топқа сұрақтар қойылып, 2-3 минутта жауап беру тиіс болды. Жауаптары балмен есептелініп отырды. 5-кезеңде " Мақалды сәйкестендір" атты тапсырма берілді. Оқушылардың тыңдау және есте сақтау қабілеттері арқылы сайыс тапсырмаларына нақты жауапты ойлылықпен айта білетіндіктері байқалды. Жан-жақты білім танымдылықтары арқылы ізденіс, талпыныс мүмкіндіктері көрінді. Сөйлеу дағдылысы, тіл мәдениетінде нақты жауап беру ұшқырлығы сыналды. Бірін- бірі тыңдай біліп, бағалай білетіндіктері де байқалды.
Жеңімпаз топ анықталып мектеп әкімшілігінен мақтау қағазы тапсырылды. Жеке оқушыларға да белсенділік танытқандары үшін аты аталып, мақтау қағаз тапсырылды.
Бастауыш сынып мұғалімі: Ибраева А.Д.
Жаңалықты мекеменің сайтында қарау
